4 ຄົນ · ປານກາງ · 40 ນາທີ · ₭ ແພງ

ສູດນີ້ກະເຮັດແບບໝົກປາ ບ້ານເຮົາ ຫັ້ນລະ, ແຕ່ມື້ນີ້ ຖືກເລກ ເລີຍຊື້ປາແຊວມ່ອນມາໝົກ. ໃຜຢາກລອງ ໝົກໄຮໂຊ ກະລອງ ເບິ່ງເນາະ ແຊບບໍ່ນ້ອຍໜ້າກັນ ອິອິອິ

ເຄື່ອງປຸງ

• ປາແຊວມ່ອນເປັນຕ່ອນ 500 ກຣາມ
• ຫອມບົ່ວແດງ 3 ຫົວ
• ກະທຽມ 5 ກີບ
• ຫົວສີໄຄ 2 ກ້ານ, ຕັດລະກະທຸບ
• ຜັກຊີສົດ 1 ມັດ, ຊອຍຍາວປະມານຂໍ້ມື
• ຫອມບົ່ວໃບ 1 ກ້ານ, ຊອຍຍາວປະມານຂໍ້ມື
• ເຂົ້າເບືອ 2 ບ່ວງແກງ
• ປາແດກ 1.5 ບ່ວງແກງ
• ແປ້ງນົວ ¼ ບ່ວງກາເຟ
• ນ້ຳປາ ¼ ບ່ວງກາເຟ
• ເກືອ ¼ ບ່ວງກາເຟ
• ຜົງປຸງລົດ ¼ ບ່ວງກາເຟ
• ຫມາກເຜັດດິບ 5 ໜ່ວຍ

ວິທີເຮັດ

ຂັ້ນຕອນ 1. ເອົາປາມາຕັດຕ່ອນຕາມມັກໃສ່ຊາມໄວ້

ຂັ້ນຕອນ 2. ເອົາຜັກບົ່ວ, ກະທຽມ, ຫມາກເຜັດ ມາຕໍາລວມກັນແລ້ວໃສ່ລົງໃນຊາມປາແລ້ວໃສ່ເຄື່ອງທຸກຢ່າງລົງໄປຄົນໃຫ້ເຂົ້າກັນ ຫລັງຈາກນັ້ນປະໄວ້ປະມານ20ນາທີແລ້ວຫໍ່ໃສ່ໃບຕອງຫລືຖ້າບໍ່ມີຫໍ່ໃສ້ເຈ້ຍເຫລືອມກໍ່ໄດ້ແລ້ວ

ຂັ້ນຕອນ3. ຫນື້ງປະມານ30ນາທີ ພ້ອມເສີບ, ແຊບ!