1 ຄົນ · ງ່າຍ · 10 ນາທີ · ₭ ຖືກ

ຕຳໝາກແຕງ ກັບໄຂ່ຕົ້ມມັນກະສຸດທໍ່ນັ້ນແລ້ວ. ຂັ້ນຕອນການເຮັດງ່າຍ ສຸດງ່າຍ ແຊບສຸດແຊບ. ໃຜຍັງ ຄິດບໍ່ ອອກຊິເຮັດຫຍັງກິນ ຈັບໝາກແຕງ ກັບຄົກມາເຮັດເລີຍ.

ເຄື່ອງປຸງ

• ໝາກແຕງ 1 ໜ່ວຍ
• ເຜັດດິບ 4 ໜ່ວຍ
• ກະທຽມ 2 ກີບ
• ໝາກນາວ 2 ປ່ຽງ
• ຫມາກເລັ່ນນ້ອຍ 4 ໜ່ວຍ
• ໄຂ່ຕົ້ມ 1 ໜ່ວຍ
• ກະປິ 1 ບ່ວງກາເຟ
• ນ້ຳຕານ ½ ບ່ວງແກງ
• ນ້ຳປາ 2 ບ່ວງແກງ
• ແປ້ງນົວ 1 ບ່ວງແກງ, ຕາມໃຈມັກ

ວິທີເຮັດ

ຂັ້ນຕອນ 1: ຟັກຫມາກແຕງ ເປັນຕ່ອນສັ້ນ

ຂັ້ນຕອນ 2: ຕຳຫມາກເຜັດໃສ່ກະປິ, ນ້ຳຕານ, ກະທຽມ, ແປ້ງນົວ ໃຫ້ມຸ່ນ, ຊອຍຫມາກເລັ່ນໃສ່, ບີບຫມາກນາວ, ນ້ຳປາ. ເອົາຫມາກແຕງລົງ ຕຳເຂົ້າກັນ, ຊີມລົດ ເສີບພ້ອມໄຂ່ຕົ້ມ ກັບ ຜັກສະຫລັດ. ແຊບ !