1 ຖ້ວຍ · ງ່າຍ · 20 ນາທີ · ₭ ຖືກ

ຫລຽວເຫັນໝາກສົ້ມຍາມໃດ ລະນ້ຳລາຍ ແຕກຍ່າວໆ. ມັນເປັນ ອາຫານ ຫວ່າງສຸດເລີດ ຂອງຄົນບ້ານເຮົາ. ມື້ີທີ່ ລໍ້ກະລິ່ງ ບໍ່ມາ ເຮົາກໍ່ ໄດ້ລົງມືເຮັດ ເອົາເອງ:)

ວິດິໂອ

ເຄື່ອງປຸງ

ໝາກໄມ້ສົ້ມ

• ໝາກມ່ວງດິບ 2 ໜ່ວຍ
• ໝາກຂາມອ່ອນ 20 ໜ່ວຍ
• ໝາກສີດາ 1 ໜ່ວຍ
• ໝາກຈຽງ (ໝາກຊົມພູ່) 20 ໜ່ວຍ
• ໝາກມ່ວງຫາວ ໝາກນາວໂຮ່ 20 ໜ່ວຍ

ເຄື່ອງເຮັດແຈ່ວ

• ໝາກເຜັດແຫ້ງ 1 ຖ້ວຍນ້ອຍ, ເຜັດຕາມໃຈ
• ກະທຽມ 10 ກີບ
• ນ້ຳຕານແດງ 1 ຖ້ວຍນ້ອຍ
• ເກືອ 1 ບ່ວງແກງ
• ແປ້ງນົວ 1 ບ່ວງແກງ
• ປາແດກ 1 ຖ້ວຍນ້ອຍ
• ນ້ຳ 1 ຖ້ວຍນ້ອຍ

ວິທີເຮັດ

1. ລ້າງໝາກໄມ້ ໃຫ້ ສະອາດ ແລ້ວ ປອກເປືອກ ແລະ ຊອຍ ໄວ້.

2. ເຮັດແຈ່ວ:

- ຂົ້ວໝາກເຜັດແຫ້ງ (ບໍ່ໃສ່ນ້ຳມັນ) ໃຫ້ຈົນຫອມ.

- ແລ້ວ ຖອກລົງ ຄົກ, ໃສ່ກະທຽມ ລົງໄປ ແລ້ວຕຳໃຫ້ມຸ່ນ.

- ຈາກນັ້ນ ເທໃສ່ໝໍ້ ນ້ອຍ, ໃສ່ ນ້ຳຕານ, ເກືອ, ແປ້ງນົວ, ນ້ຳ, ແລະ ປາແດກ. ແລ້ວຕົ້ມປະໄວ້ ປະມານ 10 ນາທີ. ຫລືຈົນກວ່າ ນ້ຳແຈ່ວເປັນຂຸ້ນໆ ຕາມໃຈມັກ ( ສາມາດຕື່ມນ້ຳຕານໃສ່ອີກໄດ້ ຖ້າມັກຂຸ້ນຕື່ມ)

- ປະໃຫ້ເຢັນ ແລ້ວຈິ່ງຕັກໃສ່ ຖ້ວຍນ້ອຍ. ຕຽມ ເອົາໝາກສົ້ມມາ ຄຸ້ຍ ບາດນີ້. ແຊບ :)