6 ຄົນ · ປານກາງ · 30 ນາທີ · ₭ ແພງ

ມື້ນີ້ໄດ້ ປູສົດໆ ເປັນໆ ດີ້ນກະແດ່ວ ກະແດ່ວ ມາແຕ່ຕະຫລາດ ເລີຍຈັບມາໜຶ້ງ, ໄຈ້ເອົາແຕ່ຊີ້ນ, ແລ້ວ ຕຳແຈ່ວຊະເລີຍ. ຊອກເຂົ້້າໜຽວ ມາຄຸ້ຍ...ບາດນີ້. ແຊບເກີນ!!

ເຄື່ອງປຸງ

• ປູ 1 ກິໂລ, ໂຕໃຫຍ່
• ຫມາກເຜັດດິບ 15 , ບໍ່ກິນເຜັດ ຜ່ອນປະລິມານລົງ
• ຫອມບົ່ວແດງ 8
• ກະທຽມ 15 ກີບ
• ປາແດກ 1 ບ່ວງແກງ
• ນ້ຳປາ 1 ບ່ວງແກງ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ່
• ຫອມບົ່ວໃບ 4 ບ່ວງແກງ, ຊອຍຕ່ອນນ້ອຍ
• ຫອມປ້ອມ 4 ບ່ວງແກງ, ຊອຍຕ່ອນນ້ອຍ

ວິທີເຮັດ

ຂັ້ນຕອນ 1. ນໍາປູໄປຫນື້ງໃຫ້ສຸກປະມານ20 ນາທີ ແລ້ວແກະເອົາແຕ່ເນື້ອປູ

ຂັ້ນຕອນ 2. ນໍາຫມາກເຜັດ ,ຫົວບົ່ວແດງ ແລະກະທຽມ ໄປປີ້ງສຸກແລ້ວນໍາທຸກຍ່າງລົງໄປຕໍາລວມກັນໃນຄົກ

ຂັ້ນຕອນ 3. ພ້ອມດ້ວຍເຄື່ອງປຸງທີ່ກຽມໄວ້ ລົງໄປ ຕໍາໃຫ້ເຂົ້າກັນ ຫລັງຈາກນັ້ນ ຊອຍຜັກບົ່ວຫອມປ້ອມໃສ່ ພ້ອມເສີບ ກັບຜັກສົດ ແລະ ເຂົ້າຫນຽວຮ້ອນໆ. ແຊບ !