4 ຄົນ · ງ່າຍ · 45 ນາທີ · ₭ ຖືກ

ເມນູ ປີກໄກ່ ແບບສູດລາວໆ ແມ່ນເຮັດໄດ້ ງ່າຍໆ ບໍ່ວ່າຈະ ເອົາໄປ ປີ້ງ ຫລືອົບກະແຊບ. ກິນກັບຕຳໝາກຫຸ່ງນີ້ ຖືວ່າເຂົ້າກັນໄດ້ດີ໊ ໄດ້ດີ. ທີ່ສຳຄັນ ໃນສູດນີ້ ແມ່ນ ນ້ຳມັນຫອຍເດີ !

ສູດຈາກ FB Saeng Douangdara, YT Lao Food at Saeng’s Kitchen

ເຄື່ອງປຸງ

• ຫົວສີໄຄ ½ ຄັບ
• ກະທຽມສົດ 1 ຫົວ
• ຫອມປ້ອມ 1 ມັດ
• ປີກໄກ່ 10 ອັນ
• ນ້ຳຕານປີ໊ບ 4 ບ່ວງແກງ
• ນ້ຳມັນຫອຍ ½ ຄັບ
• ຊ໊ອສ ໝາກເຜັດ​ປະສົມກະທຽມ ½ ຄັບ
• ນ້ຳປາ 3 ບ່ວງແກງ
• ຊ໋ອດປຸງລົດ 3 ບ່ວງແກງ
• ໝາກນາວ 2
• ພິກໄທດຳປົ່ນ 1 ບ່ວງກາເຟ

ວິທີເຮັດ

1.ເອົາປີກໄກ່ ອອກມາຈາກຕູ້ເຢັນ ແລ້ວປະໄວ້ ໃນອຸນນະພູມຫ້ອງ. ກຽມເຄື່ອງໝັກຕາມນີ້: ຊອຍ ແລະ ບົດ ຫລືຕຳ ຫົວສີໄຄ, ກະທຽມ ແລະ ຫອມປ້ອມ ໃຫ້ແຫລກດີ.

2. ໝັກປີກໄກ່ ດ້ວຍ ນ້ຳມັນຫອຍ, ຊ໊ອສໝາກເຜັດກະທຽມ (ສຳເລັດຮູບ), ນ້ຳປາ, ສະອິ້ວຝາຂຽວ,ໝາກນາວ, ນ້ຳຕານປີບ, ແລະພິກໄທດຳປົ່ນ. ຕາມດ້ວຍ ເຄື່ອງທີ່ຕຳໄວ້ນັ້ນລົງ ຄົນໃສ່ ປີກໄກ່ ແລ້ວ ເອືອບປະໄວ້ 1 ຊົ່ວໂມງ ຫລື ໄວ້ໃນຕູ້ເຢັນ ຂ້າມຄືນຍິ່ງແຊບ.

3. ເປີດ ເຕົາອົບ ທີ່ອຸນນະພູມ 375 ຟາເລັນຮາຍ (F) ຫລື 195 ອົງສາ (C). ເອົາປີກໄກ່ໃສ່ ຖາດ ຮອງດ້ວຍແຜ່ນ ອາລູມິນຽມ ແລ້ວ ເຂົ້າອົບໃຊ້ເວລາ 15ນາທີ, ໃຫ້ປີ້ນ ທາງ ເພື່ອຈະໄດ້ສຸກສະເໝີກັນ . ຈາກນັ້ນ ປ່ຽນ ເຕົາອົບໃສ່ໂໝດປີ້ງ ແລ້ວ ປີ້ງຕໍ່ອີກ 10 ນາທີ ເພື່ອ ໃຫ້ປີກໄກ່ ແຫ້ມ ອອກສີ ນ້ຳຕານ. ເມື່ອສຸກແລ່ວ ຕັກໄກ່ ອອກຈາກ ຖາດ ພັກໃຫ້ເຢັນປະມານ 15 ນາທີ. ຖ້າມີນ້ຳຊ໊ອສເຫລືອ ຢູ່ຖາດປີ້ງ ໃຫ້ແຍກອອກ ເອົາໄວ້ຈ້ຳກໍ່ໄດ້. ໂຮຍ ຫອມບົ່ວໃບຊອຍໃສ່ ພ້ອມ ເສີບ! ແຊບ!