2 ຄົນ · ງ່າຍ · 30 ນາທີ · ₭ ຖືກ

​ມື້ນີ້​ມາເຮັດຍຳ ຜັກກາດນ້ຳ​ກິນ.ວິທີເຮັດກະຄ້າຍຍຳສະລັດທົ່ວໄປ ແຕ່​ເວລາມາກິນກັບ ຜັກກາດນ້ຳ​ມັນຈະໄດ້ລົດຊາດ ເຂັ້ມຂົ້ນອີກແບບຫນຶ່ງ.​

ເຄື່ອງປຸງ

• ຜັກກາດນ້ຳ 400 ກຣາມ, ລ້າງສະອາດ ແລະ ປະໃຫ້ສະເດັດນ້ຳ
• ໝາກເລັ່ນ 2 ໜ່ວຍ, ຊອຍບາງເປັນຕ່ອນ
• ໝາກແຕງ 1 ໜ່ວຍ, ຊອຍບາງເປັນຕ່ອນ
• ຫອມບົ່ວໃບ 2 ກ້ານ, ຊອຍບາງເປັນຕ່ອນ
• ໄຂ່ຕົ້ມ 6 ໜ່ວຍ, ໄຂ່ຂາວຊອຍເປັນຕ່ອນ, ໄຂ່ແດງ ປະໄວ້ໃສ່ນ້ຳຍຳ
• ຊີ້ນໝູບົດສົດ 100 ກຣາມ
• ກະທຽມ 5 ກີບ, ສັບລະອຽດ
• ຫອມບົ່ວແດງ 4 ຫົວ, ສັບລະອຽດ
• ນ້ຳປາ 1 ບ່ວງແກງ
• ເກືອ 1 ບ່ວງກາເຟ
• ຜົງປຸງລົດ 1 ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ໝາກນາວ 2 ໜ່ວຍ
• ຖົ່ວດິນຂົ້ວ 3 ບ່ວງແກງ, ທຸບພໍມຸ່ນ
• ນ້ຳຕານ 5 ບ່ວງແກງ
• ນ້ຳຮ້ອນ 1 ຖ້ວຍນ້ອຍ
• ນ້ຳມັນພືດ 2 ບ່ວງແກງ

ວິທີເຮັດ

1.ຕົ້ມໄຂ່ ໃຫ້ສຸກ ແລ້ວ​ປອກໄວ້,​ແຍກໄຂ່ຂາວ ແລະ​ແດງອອກ​ໄວ້ໃສ່ຖ້ວຍ.​

2. ຈຽວຫອມບົ່ວ ແລະ​ກະທຽມ​ ໃຫ້ເຫລືອງ ແລ້ວເອົາຊີ້ນຫມູ ລົງຂົ້ວ.ປຸງລົດດ້ວຍ ເກືອ,​ຄະນໍ, ແລະພິກໄທ.​ ຂົ້ວໃຫ້ສຸກ ແລ້ວປະໄວ້ໃຫ້ເຢັນ.​

3. ເຮັດນ້ຳຍຳ

- ຕີນ້ຳຕານໃສ່ນ້ຳຮ້ອນໃຫ້ເປື່ອຍ ປະໄວ້ໃຫ້ເຢັນ. ແລ້ວເອົາໄຂ່ແດງ ຕີໃສ່ໃຫ້ມຸ່ນ.​

- ໃສ່ນ້ຳປາ,​ຫມາກນາວ, ຖົ່ວດິນ,​ແລະຊີ້ນຫມູທີ່ຂົ້ວໄວ້ນັ້ນ ຄົນໃສ່ກັນ.​ຊີມໃຫ້ ພໍດີ.

4. ຈັດຜັກທຸກຢ່າງໃສ່ຊາມ ຊອຍໄຂ່ຂາວໃສ່ນຳ.​ແລ້ວຖອກນ້ຳຍຳລົງ​ແລະ​ ​ຄົນ​ໃຫ້ທົ່ວ.​​ພ້ອມເສີບ.

ເຄື່ອງມື ທີ່ໃຊ້ແຕ່ງເມນູນີ້

• ໝໍ້ເຮັດນ້ຳຊ໊ອສ
• ໝໍ້ຂາງຈືນ
• ມີດພໍ່ຄົວໃຫຍ່