2 ຄົນ · ປານກາງ · 20 ນາທີ · ₭ ປານກາງ

ຕົກແລງໆ ພາກັນຫາຫຍັງກິນຫຼິ້ນ ກັນເທາະ! ມາໆເຮັດ ຕຳ ຕຳ ຕຳ ລະກະຕຳ 'ຕຳເສັ້ນລ້ອນທະເລດຳເດືອດ' ສູດງ່າຍໆ ກັບ ນ້ຳປູ ດຳໆ ນົວໆ , ເລີ່ມເລີຍ :)

ເຄື່ອງປຸງ

• ເສັ້ນລ້ອນ 1 ຖົງນ້ອຍ
• ກຸ້ງຂະໜາດກາງ 2 ໂຕ
• ລູກຊີ້ນປາ 3 ໜ່ວຍ
• ປາໝຶກ 1 ໂຕ
• cooked-snail-meat 4 ໂຕ
• ຜັກກະລ່ຳປີ 1 ຖ້ວຍນ້ອຍ, ຊອຍເປັນຄຳ
• ຜັກບົ້ງ 1 ຖ້ວຍນ້ອຍ, ຕັດຕ່ອນຍາວປະມານດີິ້ວມື
• ກະປິ ½ ບ່ວງກາເຟ
• ນ້ຳປູ 1 ບ່ວງກາເຟ
• ນ້ຳຕານ ½ ບ່ວງແກງ
• ແປ້ງນົວ 1 ບ່ວງກາເຟ, ບໍ່ມັກບໍ່ໃສ
• ປາແດກ 2 ບ່ວງແກງ
• ໝາກເລັ່ນ 1 ໜ່ວຍ
• ໝາກນາວ 1 ໜ່ວຍ, ຕັດເປັນປ່ຽງໄວ້
• ເຜັດດິບ 10 ໜ່ວຍ, ຕາມໃຈມັກ
• ກະທຽມສົດ 2 ກີບ
• ຖົ່ວດິນຂົ້ວ 1 ບ່ວງແກງ, ໄວ້ໂຮຍຫນ້າ

ວິທີເຮັດ

1. ຄ້າງໝໍ້ ຕົ້້ມນ້ຳໃຫ້ຟົດ ແລ້ວນຳ ເສັ້ນລ້ອນ, ຜັກບົ້ງ, ກະລ່ຳ ແລະ ເຄື່ອງທະເລທຸກຢ່າງລົງລວກ ປະມານ 3ຫາ5 ນາທີ. ຈາກນັ້ນເອົາມານ໋ອກນ້ຳເຢັນທັນທີ ເພື່ອ ໃຫ້ມັນເດັ້ງ ແລະ ຜັກຂຽວກອບດີ.

2. ໃນຄົກ ຕຳໝາກເຜັດ, ກະທຽມ, ກະປິ,ນ້ຳປູ, ນ້ຳຕານ, ແປ້ງນົວເຂົ້້ານຳກັນ ແລ້ວ ເອົາ ປາແດກ, ໝາກເລັ່ນລົງ, ແລ້ວບີບໝາກນາວໃສ່.

3. ເທເຄື່ອງທີ່ລວກນັ້ນ ລົງໃນຄົກ ຕຳເບົາໆ ແລະຄົນເຂົ້າກັນ, ຊີມລົດຊາດ ແລະ ຕັກໃສ່ຈານ ໂຮຍຖົ່ວດິນ. ເສີບໄດ້. ແຊບ