4 ຄົນ · ງ່າຍ · 30 ນາທີ · ₭ ປານກາງ

ໃຜຢາກກິນນຳແດ່? ຫິ້ວເຂົ້້າຈ້າວ ມາພ້ອມເດີ :) ອົບໝູ ສາມຊັ້ນ ກັບ ກຸ້ງນ້ອຍ. ເຮັດງ່າຍ ແຕ່ແຊບ. ສູດຈາກ IG nuocmamafoods, FB Vietnamese Soul Food

ເຄື່ອງປຸງ

• ໝູສາມຊັ້ນ 1 ກິໂລ, ຊອຍເປັນຕ່ອນນ້ອຍ
• ກຸ້ງນ້ອຍ 500 ກຣາມ, ບໍ່ ແກະເປືອກ
• ນ້ຳ 350 ມິນລີລິດ
• ນ້ຳຕານ 1 ບ່ວງແກງ
• ຜົງເຄື່ອງເທດຫວຽດ ½ ຖົງ, ຕົວເລືອກ: ເກືອ1 ບ່ວງກາເຟ, ແປ້ງນົວ 1/2 ບ່ວງກາເຟ, ຜົງ ປາປີກ້າ 1 ບ່ວງກາເຟ, ພິກໄທປົ່ນ 1/2 ບ່ວງກາເຟ
• ນ້ຳເຊື່ອມນ້ຳຕານໝາກພ້າວ ½ ບ່ວງແກງ, ຕົວເລືອກ: ນ້ຳຕານ 1 ບ່ວງແກງ , ນ້ຳມັນ 1 ບ່ວງແກງ
• ນ້ຳມັນ 1 ບ່ວງແກງ
• ກະທຽມສົດ 1 ບ່ວງແກງ, ສັບມຸ່ນ
• ນ້ຳປາຫວຽດ ກາປູ 2 ບ່ວງແກງ
• ນ້ຳມັນຫອຍ 2 ບ່ວງແກງ, ຍີ່ຫໍ້ ໝີແພນດ້າ
• ຫອມບົ່ວໃບຊອຍ 1 ບ່ວງແກງ, ໃສ່ກະໄດ້ ບໍ່ໃສ່ກະໄດ້

ວິທີເຮັດ

1. ກະກຽມຕົ້ມໝູ. ຄືໃຫ້ຕົ້ມໃສ່ນ້ຳຮ້ອນ ປະມານ 2-4 ນາທີ. ຖອກນ້ຳອອກ ແລ້ວ ປະໄວ້.

2. ຕັ້ງໝໍ້ກະທະ, ໃສ່ນ້ຳມັນ ແລະ ກະທຽມສັບ. ຂົ້ວຈົນກະທຽມເຫລືອງ.

3. ໃສ່ ເຄື່ອງປຸງທັງໝົດລົງ ແລະ ຄົນໃຫ້ເຂົ້າກັນ. ຕົ້ມໃຫ້ມັນຟົດ.

4. ໃສ່ ໝູສາມຊັ້ນ ທີ່ກຽມໄວ້ ແລະ ອ່ອນໄຟລົງປານກາງ .

5. ປົກຝາໝໍ້ໄວ້ 15 ນາທີ. ຄົນ ທຸກໆ 5 ນາທີ.

6. ໃສ່ກຸ້ງ ແລະ ບໍ່ປິດຝາ ຂ້ຽວໄປ ຕໍ່ 10-15 ນາທີ. ຊີມລົດໃຫ້ ພໍດີ.

7. ຖ້າຢາກໃຫ້ ມັນຂຸ້ນຂຶ້້ນ , ແມ່ນໃຫ້ ຂ້ຽວຕໍ່ໄປ ແບບບໍ່ປິດຝາ. ແຕ່ຢ່າລືມໝັ່ນຄົນເລື້ອຍໆເດີ.

8. ໃສ່ ຫອມບົ່ວໃບຊອຍ (ຖ້າມັກ)

ເຄັດລັບ:

* ຖ້າເຈົ້າບໍ່ມີ ສີ ຄາລາເມວ , ໃຫ້ຂ້ຽວນ້ຳຕານໃສ່ນ້ຳມັນ ຈົນໃຫ້ມັນແດງ.

* ລະວັງ ຖ້ານ້ຳຕານໄໝ້ຫລາຍ ມັນຈະຂົມ. ຖ້າ ຂ້ຽວບໍ່ໄດ້ດົນ ພັດ ສີບໍ່ໄດ້ອີກ.

* ໃສ່ກະທຽມ ຈາກນັ້ນໃສ່ ຊີ້ນ . ຄົນໃຫ້ເຂົ້າກັນດີ ຈາກນັ້ນໃສ່ທຸກຢ່າງລົງຍົກເວັ້ນກຸ້ງ.

* ຖ້າໃຜບໍ່ມັກກຸ້ງ ບໍ່ໃສ່ ກະໄດ້ເດີ.