4 ຄົນ · ງ່າຍ · 15 ນາທີ · ₭ ຖືກ

ປ່ຽນເຂົ້າຜັດທຳມະດາ ມາເປັນເຂົ້າຜັດກະລີ່ ກະທິໝາກພ້າວ ເພື່ອຄວາມບໍ່ຈຳເຈເນາະ:) ສູດຈາກ IG nuocmamafoods, FB Vietnamese Soul Food

ເຄື່ອງປຸງ

• ເຂົ້າຈ້າວຫຸງ 400 ກຣາມ, ໃຊ້ເຂົ້້າຈ້າວຍີ່ປຸ່ນກະໄດ້
• ນ້ຳມັນ 1 ບ່ວງແກງ
• ຜົງກະລີ່ 1 ບ່ວງແກງ
• ຜົງຂີ້ໝິ້ນເຫລືອງ ½ ບ່ວງກາເຟ
• ກະທິໝາກພ້າວ 60 ມິນລີລິດ
• ກຸ້ງຂະໜາດກາງ 6 ໂຕ, ໃສ່ໜ້ອຍຫລາຍໄດ້ຕາມໃຈ
• ນ້ຳປາ 1 ບ່ວງແກງ
• ສະອິ້ວຂາວ 1 ບ່ວງແກງ
• ພິກໄທດຳປົ່ນ ½ ບ່ວງກາເຟ
• ນ້ຳຕານ 1 ບ່ວງກາເຟ
• ຫອມບົ່ວໃຫຍ່ 4 ບ່ວງແກງ, ສັບລະອຽດ
• ກະທຽມ 1 ບ່ວງແກງ, ສັບມຸ່ນ
• ຫອມບົ່ວໃບ , ສັບລະອຽດ

ວິທີເຮັດ

1. ປະສົມ ກະທິໝາກພ້າວ , ຜົງກະລີ, ຜົງຂີ້ໝິ້ນ ໃສ່ກັນ ແລ້ວປະໄວ້.

2. ຄ້າງໝໍ້ຂາງ, ໃສ່ນ້ຳມັນ, ກະທຽມ ແລະ ຫົວບົ່ວ. ຂົ້ວໄຟແຮງ. ພໍກະທຽມເຫລືອງແລ້ວ ໃຫ້ໃສ່ເຂົ້້າລົງ ແລະ ຕາມດ້ວຍ ນ້ຳ ກະທິໝາກພ້າວທີ່ປະສົມກະລີ່ໄວ້ນັ້ນ.

3. ໝັ່ນຄົນ ເລື້ອຍໆຈົນກວ່າ ເມັດເຂົ້າ ແຍກຈາກກັນ. ແລ້ວຈິ່ງໃສ່ ສ່ວນປະສົມທີ່ເຫລືອ.

4. ຂົ້ວໄປຈົນເຂົ້້າແຫ້ງ ຖືວ່າໃຊ້ໄດ້. ຊີມ ແລະ ຕັກເສີບ :-)

ເຄັດລັບ: ໄຂ່ດາວ ຈັກໜ່ວຍ ຢອງເທິງກະເຂົ້້າກັນຢູ່ ໃດເນາະ :)