4 ຄົນ · ປານກາງ · 150 ນາທີ · ₭ ປານກາງ

ລອງສູດໝັກ ບາບີຄິວ ແບບໃໝ່ ໂດຍໄດ້ ໄອເດຍ ມາຈາກ ອາຫານປະເທດ ເຊເນການ( ໄກ່ ຢາຊາ). ລົດຊາດອອກມາ ກົມກ່ອມ ແຊບເກີນຄາດ!

ເຄື່ອງປຸງ

• ຂາໂຕ້ໄກ່ ຕິດຫນັງ 1 ກິໂລ, ຕັດຕ່ອນພໍດີ ສຽບໄດ້
• ຫອມບົ່ວໃຫຍ່ 2 ຫົວ, ສັບລະອຽດ
• ກະທຽມສົດ 5 ກີບ, ສັບລະອຽດ
• ໄທມແຫ້ງ 1 ບ່ວງກາເຟ
• ໝາກນາວເຫລືອງ 2 ໜ່ວຍ
• ນ້ຳມັນໝາກກອກ 8 ບ່ວງແກງ
• ມັສຕາດ ( ໃຊ້ແບບ ດີຈົງ) 1 ບ່ວງແກງ
• ຊອສ ວໍເຊັສເຕີ້ 2 ບ່ວງແກງ, ຖ້າບໍ່ມີໃຊ້ນຳມັນຫອຍແທນກະໄດ້
• ກ້ອນປຸງລົດກາແມັກກີ້ ½ ກ້ອນ, ໃຊ້ຄະນໍຜົງແທນກະໄດ້
• ຜົງໝາກເຜັດແດງໃຫຍ່ ½ ບ່ວງແກງ
• ເກືອ ¼ ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ໝາກເລັ່ນ 2 ໜ່ວຍ, ຕັດຕ່ອນພໍດີ ສຽບໄດ້
• ເຜັດຂຽວໃຫຍ່ 2 ໜ່ວຍ, ຕັດຕ່ອນພໍດີ ສຽບໄດ້

ວິທີເຮັດ

1. ກຽມນ້ຳໝັກໄກ່: ກຽມຊາມ ແລ້ວໃສ່ເຄື່ອງປະສົມທັງໝົດນີ້ລົງໄປໃນຊາມ ( ຫອມບົ່ວໃຫຍ່+ກະທຽມສົດ +ໄທມແຫ້ງ +ນ້ຳໝາກນາວເຫລືອງ +ນ້ຳມັນໝາກກອກ +ມັສຕາດ ( ໃຊ້ແບບ ດີຈົງ)+ ຊອສ ວໍເຊັສເຕີ້+ກ້ອນປຸງລົດກາແມັກກີ້ +ຜົງໝາກເຜັດແດງໃຫຍ່

ເກືອ +ພິກໄທດຳປົ່ນ)

2. ເອົາໄກ່ລົງໝັກໄວ້ ຢ່າງໜ້ອຍ 2 ຊມ ກ່ອນປີ້້ງ

3. ຈາກນັ້ນ ເອົາມາສຽບ ພ້ອມກັບ ໝາຫເລັ່ນ ແລະ ໝາກເຜັດໃຫຍ່

4. ນຳໄປປີ້ງ ໄຟອ່ອນ ຫາກາງ ,ໝັ່ນທາ ນ້ຳມັກທີ່ເຫລືອນັ້້ນໃສ່ນຳຕອນປີ້ງ.

ເຄັດລັບ: ນ້ຳໝັກທີ່ເຫລືອນັ້ນ ຫ້າມຖິ້ມ. ໃຫ້ນຳໄປ ຕົ້້ມໃຫ້ລົດລົງໜ້ອຍໜຶ່ງ ແລ້ວ ເອົາມາເປັນແຈ່ວລາດປີ້ງ ຕອນເສີບ ແຊບ ໄປຕື່ມ.