5 ຄົນ · ປານກາງ · 90 ນາທີ · ₭ ຖືກ

'ຫມ້ຽງຫວຽດ' ຫລື ໝູຕົ້ມ ພັນຜັກບົ່ວ. ເຮັດງ່າຍໆ ແຕ່ແຊບຫລາຍ. ເໝາະສຳລັບເຮັດກິນຊຸມກັບໝູ່, ຊ່ອຍກັນ ພັນ ແລະຊ່ອຍກັນກິນພ້ອມ:). ມາເບິ່ງສູດຢູ່ລຸ່ມນີ້ເລີຍ !

ເຄື່ອງປຸງ

• ໝູສາມຊັ້ນ ½ ກິໂລ, ຕົ້ມໃສ່ເກືອໃຫ້ສຸກ ໃຊ້ເວລາປະມານ 45ນາທີ ແລ້ວຊອຍເປັນຕອນພໍດີພັນເປັນຄຳ
• ໄຂ່ໄກ່ 7 ໜ່ວຍ, ຕີໃຫ້ມັນແຕກແລ້ວນຳໄປຈືນໃຫ້ເປັນແຜ່ນ ແລະມາຊອຍພໍດີຄຳ ໃຫ້ສາມາດພັນເປັນຄຳໄດ້
• ຫອມບົ່ວໃບ 300 ກຣາມ, ລວກພໍໃຫ້ອ່ອນ ແລະ ຈີກເປັນໃບເພິ່ອເອົາມາມັດຊີ້ນທີ່ຈະເອົາມາພັນ
• ຫອມປ້ອມ 100 ກຣາມ
• ນ້ຳຕານ 1 ຖ້ວຍນ້ອຍ
• ເກືອ 1 ບ່ວງກາເຟ
• ນ້ຳປາ 2 ບ່ວງແກງ
• ແປ້ງນົວ 1 ບ່ວງກາເຟ, ແລ້ວແຕ່ມັກ
• ຫມາກເຜັດດິບ 5 ໜ່ວຍ
• ກະທຽມ 1 ກີບ
• ຖົ່ວດິນຂົ້ວ 100 ກຣາມ
• ໝາກນາວ ½ ໜ່ວຍ
• ນ້ຳ 150 ມິນລີລິດ

ວິທີເຮັດ

ຂັ້ນຕອນ 1. ນຳເອົາຫມູ+ໄຂ່+ຫອມປ້ອມມາພັນໃສ່ກັນໂດຍເອົາໃບຫອມບົວມາພັນໃຫ້ເປັນຄຳ

ຂັ້ນຕອນ 2. ເອົານ້ຳມາຕົ້ມໃສ່ນ້ຳຕານ+ເກືອ ນ້ຳຕານລະລາຍແລ້ວປິດໄຟ ແລ້ວເອົານ້ຳປາ+ແປ້ງນົວໃສ່ ຊິມລົດຊາດ ສາມາດປຸງເພີ້ມໄດ້ ແລ້ວປະໄວ້ໃຫ້ເຢັນ

ຂັ້ນຕອນ 3. ນຳເອົາຫມາກເຜັດ+ ກະທຽມຕຳໃຫ້ອຽດ ຕາມດ້ວຍຫມາກຖົ່ວດິນ

ຂັ້ນຕອນ 4. ນຳເອົາເຄື່ອງທີ່ຕຳໃສ່ນ້ຳຕານປະໄວ້ນັ້ນ ບີບຫມາກນາວໃສ່ ຖືວ່າສຳເລັດ

ຂັ້ນຕອນ 5. ເອົາຊີ້ນທີ່ພັນຈ້ຳນ້ຳເຈ່ວກິນໄດ້ເລີຍ