4 ຄົນ · ງ່າຍ · 30 ນາທີ · ₭ ປານກາງ

ມີໃຜຢາກກິນ ຜັດກົກປີກ ໄກ່ນຳບໍ່? ຖື ຖ້ວຍເຂົ້າມາ ກິນນຳກັນເດີ. ຫາກະຜັດແຊບແຊບ ຫອມໆ ແລ້ວໆ ນີ້.

ວິດິໂອ

ເຄື່ອງປຸງ

• ປີກໄກ່ 8 ຕ່ອນ
• ຫອມບົ່ວແດງ 3 ຫົວ
• ຂ່າ 5 ປ່ຽງ, ຊອຍເປັນເສັ້ນນ້ອຍ
• ໝາກເຜັດແຫ້ງ 8 ໜ່ວຍ
• ເຜັດດິບ 2 ໜ່ວຍ
• ຫົວສີໄຄ 3 ກ້ານ, ເອົາແຕ່ ກ້ານອ່ອນ ທາງໃນ ແລ້ວຊອຍບາງໆ
• ກະທຽມສົດ 4 ກີບ, ຊອຍບາງ
• ໃບຂີ້ຫູດ 4 ໃບ
• ເກືອ ½ ບ່ວງແກງ
• ນ້ຳຕານ ½ ບ່ວງແກງ
• ນ້ຳປາ 1 ບ່ວງແກງ
• ນ້ຳມັນຫອຍ 1 ບ່ວງແກງ
• ນ້ຳມັນພືດ 1 ບ່ວງແກງ
• ນ້ຳ 1 ຖ້ວຍນ້ອຍ

ວິທີເຮັດ

1. ຕຳຫອມບົ່ວແດງ, ກະທຽມ, ຂ່າ, ຫົວສີໄຄ, ໝາກເຜັດ ໃຫ້ແຫລກ. ແລ້ວນຳໄປ ຄົນໃສ່ ປີກໄກ່ໃນຊາມ. ເອົາໃບຂີ້ຫູດໃສ່ ແລະ ໃສ່ຫົວສີໄຄຊອຍເພີ່ມ.

2. ປຸງລົດ ດ້ວຍ ເກືອ, ນ້ຳຕານ, ນ້ຳປາ, ນ້ຳມັນຫອຍ. ຄົນໃຫ້ເຂົ້າກັນ.

3. ຄ້າງໝໍ້ ກະທະ, ໃສ່ນ້ຳມັນ ແລະ ໃສ່ກະທຽມ ຂົ້ວໃຫ້ ຫອມ ແລ້ວ ເອົາໄກ່ລົງ. ຂົ້ວໃຫ້ເຂົ້າກັນ ດີ, ໃສ່ ຫົວສີໄຄຕັດ ເພີ່ມອີກ ຈັກ 5 ກ້ານ. ແລ້ວ ຂົ້ວໃຫ້ໄກ່ ແລະ ເຄື່ອງຕຳ ມີກິ່ນຫອມ ຈິ່ງ ຖອກນ້ຳໃສ່.

4. ປິດຝາໄວ້ ເຮັດໄຟກາງ ປະມານ 10 ນາທີ ຫລືຈົນກວ່າ ໄກ່ຈະສຸກ( ຖ້ານ້ຳມັນແຫ້ງ ໃຫ້ ຕື່ມໃສ່ ອີກ ໜ້ອຍຫນຶ່ງໄດ້)

5. ຊີມລົດຊາດ ໃຫ້ພໍດີ ແລ້ວ ຕັກເສີບ. ພ້ອມແຊບໄດ້ :)