2 ຄົນ · ປານກາງ · 35 ນາທີ · ₭ ຖືກ

ມາແລ້ວ ມາແລ້ວ ທອດໝູ! ໝູທອດ. ເສີບ ກັນແຈ່ວສົ້ມໆ ຈັ່ງແມ່ນເຂົ້າກັນ ເຂົ້າກັນດີ. ຈະເປັນ ຂອງແກ້ມ ກະດີ ຫລື ຈະກິນ ກັບເຂົ້້າ ກະແຊບ.

ວິດິໂອ

ເຄື່ອງປຸງ

ສ່ວນປະສົມ ຫມັກໝູ

• ຊີ້ນໝູສົດ 1 ກິໂລ, ຕັດເປັນຕ່ອນ ສີ່ຫລ່ຽມ
• ເກືອເມັດໃຫຍ່ 1 ບ່ວງກາເຟ
• ນ້ຳມັນຫອຍ 3 ບ່ວງກາເຟ
• ຄະນໍຜົງ 1 ບ່ວງກາເຟ
• ນ້ຳປາ 1 ບ່ວງແກງ
• ນ້ຳຕານ 1 ບ່ວງແກງ
• ພິກໄທດຳປົ່ນ 1 ບ່ວງກາເຟ

ສ່ວນປະກອບ ສຳລັບທອດ

• ກະທຽມສົດ 5 ກີບ, ທຸບພໍແຕກ
• ນ້ຳມັນພືດ ½ ລິດ

ສ່ວນປະສົມແຈ່ວ

• ເຜັດດິບ 5 ໜ່ວຍ
• ໝາກນາວ 2 ປ່ຽງ
• ກະທຽມສົດ 4 ກີບ
• ຮາກຜັກຫອມປ້ອມ 4 ຮາກ
• ຫອມປ້ອມ 2 ກ້ານ, ຊອຍນ້ອຍ
• ນ້ຳຕານ 2 ບ່ວງແກງ
• ເກືອ ½ ບ່ວງກາເຟ
• ນ້ຳປາ 1 ບ່ວງແກງ
• ນ້ຳ 2 ບ່ວງແກງ

ວິທີເຮັດ

1. ເອົາ ເກືອ 1 ບ່ວງແກງ ໃສ່ ຊີ້ນໝູ ໃນຊາມ, ຄັ້ນ ແລະ ລ້າງ ອອກດ້ວຍນ້ຳ ໃຫ້ ສະອາດ ແລະ ຊັບນ້ຳ ອອກໃຫ້ ແຫ້ງ.

2. ປຸງເຄື່ອງ ທັງໝົດໃສ່ ໝູ ແລ້ວຄົນ ໃຫ້ເຂົ້າກັນ. ຈາກນັ້ນ ໝັກ ປະໄວ້ ຕູ້ເຢັນປະມານ 30 ນາທີ.

3. ກຽມເຄື່ອງ ເຮັດແຈ່ວ: ໃສ່ ໝາກເຜັດ, ກະທຽມ, ຮາກຫອມປ້ອມ,ເກືອ, ແລະ ນ້ຳຕານ ລົງຄົກ ແລ້ວ ຕຳ ໃຫ້ແຫລກ.

ຕັກອອກມາໃສ່ ຖ້ວຍ ແລ້ວ ບີບໝາກນາວໃສ່, ຕາມດ້ວຍ ນ້ຳປາ ແລະ ນ້ຳ. ຄົນໃຫ້ເຂົ້າກັນ. ໂຮຍ ຫອມປ້ອມໃສ່ ແລ້ວ ປະໄວ້.

4. ຄ້າງໝໍ້ ໃສ່ນ້ຳມັນ ໃຫ້ຮ້ອນ, ເອົາກະທຽມ ລົງທອດ ໃຫ້ເຫລືອງ ແລ້ວ ຕັກອອກ ປະໄວ້ຖ້ວຍ.

5. ເອົາຊີ້ນ ໝຼລົງ ທອດ ໃຫ້ສຸກ ປະມານ 25 ນາທີ. ໃຫ້ ປີ້ນທາງ ເພື່ອ ໝູຈະໄດ້ສຸກ ທຸກດ້ານ.

6. ຕັກຊີ້ນໝູ ໃສ່ ຈານ , ໂຮຍກະທຽມ ທີ່ທອດນັ້ນໃສ່. ແລະ ເສີບ ແຈ່ວຂ້າງໆ. ພ້ອມ ແຊບ ໄດ້ເລີຍ.