4 ຄົນ · ງ່າຍ · 40 ນາທີ · ₭ ຖືກ

ມື້້ນີ້ ຄິດຢາກແນວເຜັດໆ ແຊບໆ. ກະເລີຍຊວນໝູ່ ມາເຮັດ ຍຳຢໍ່ ກິນຫລິ້້ນຢູ່ບ້ານ ຢູ່ເຮືອນ.

ວິດິໂອ

ເຄື່ອງປຸງ

• ຢໍ່ໝູ 1 ກ້ອນ, ຊອຍເປັນຕ່ອນບາງ
• ກາລົດ 1 ຫົວ, ຊອຍເປັນເສັ້ນນ້ອຍ
• ຫອມບົ່ວໃຫຍ່ 1 ຫົວ, ຊອຍເປັນເສັ້ນນ້ອຍ
• ເຫັດຫູໜູຂາວ 1 ຖ້ວຍນ້ອຍ, ເອົາໄປຕົ້ມນ້ຳຮ້ອນ ຈັກ 3 ນາທີ ແລ້ວ ລ້າງນ້ຳເຢັນ ແລະ ປະໃຫ້ແຫ້ງ
• ຜັກບົວລະພາ 1 ຖ້ວຍນ້ອຍ
• ຜັກເຊນາລີນ້ອຍ 1 ຖ້ວຍນ້ອຍ
• ຫອມບົ່ວໃບ ½ ຖ້ວຍນ້ອຍ, ຊອຍເປັນຕ່ອນທາງຍາວ
• ຫອມປ້ອມ ½ ຖ້ວຍນ້ອຍ
• ກະທຽມດອງ 2 ບ່ວງແກງ, ຊອຍບາງໆ
• ຫົວສີໄຄ 2 ກ້ານ, ເອົາແຕ່ກ້ານອ່ອນ ແລ້ວ ຊອຍບາງໆ
• ກະທຽມສົດ 5 ກີບ, ຊອຍບາງໆ
• ເຜັດດິບ 6 ໜ່ວຍ, ຊອຍບາງໆ
• ຊ໊ອດໝາກເລັ່ນ 2 ບ່ວງແກງ
• ຊ໊ອດໝາກເຜັດ 3 ບ່ວງແກງ
• ໝາກນາວ 2 ໜ່ວຍ, ບີບເອົາແຕ່ນ້ຳ
• ເກືອເມັດໃຫຍ່ 1 ບ່ວງກາເຟ
• ນ້ຳຕານ 2 ບ່ວງແກງ
• ແປ້ງນົວ 1 ບ່ວງກາເຟ
• ນ້ຳ ½ ຖ້ວຍນ້ອຍ

ວິທີເຮັດ

1. ເຮັດນ້ຳຍຳ

- ເອົາຫມາກເຜັດ,​ກະທຽມສົດ, ຫົວສີໄຄ,​ ກະທຽມ​ດອງ,​ເກືອ,​ແປ້ງນົວ, ນ້ຳຕານ,​ຫມາກນາວ, ນ້ຳດື່ມ, ຊ໋ອສເລັ່ນ, ແລະ​ຊ໋ອສເຜັດ,​ ລົງໄປໃນຊາມ ຄົນໃຫ້ເຂົ້າກັນດີ.

2. ເອົາ​ເຫັດຫູໜູ​ຂາວ,​ ກາລົດ,​ ຫົວບົ່ວໃຫຍ່, ຢໍ່​ທີ່ຊອຍລົງນັ້ນ ໃສ່ຊາມໃຫຍ່,​ຖອກ​ນ້ຳຍຳທີ່ກຽມໄວ້ໃສ່ ແລະ​ຄົນເຂົ້າກັນ ແລະຊີມລົດຊາດຕາມໃຈມັກ. ຈາກນັ້ນ ໃສ່​ຫອມທຸກຢ່າງທີ່ຊອຍລົງໄປຄົນໃຫ້ເຂົ້າກັນ ແລະ ເສີບໃສ່ຈານ. ເປັນອັນວ່າຈົບພິທີ :)​