12 ກ້ອນ · ປານກາງ · 45 ນາທີ · ₭ ຖືກ

👉🏼ເຂົ້າໜົມໝາກນັດ,​ ທີ່ນອກຈາກ ກິນເປັນຂອງຫວ່າງ​ແລ້ວ​ ຍັງເສີບ ໃນງານແຕ່ງ​ ແລະ​ງານ​ກຸດຈີນອີກດ້ວຍ.​ ຍ້ອນວ່າ​ ຄຳວ່າໝາກນັດ ຂອງຄົນໄຕ້ຫວັນ ອອກສຽງ ຄຳວ່າ​ຈະເລີນຮຸ່ງເຮືອງ ແລະ​ຖ້າກິນເຂົ້າໄປກໍ່ຈະເກີດ ໂຊກລາບນັ້ນເອງ.

ຢູ່ນີ້​ ເຂົ້າໜົມໝາກນັດ ມີຫລາຍຮູບຊົງ🍍 ບາງອັນເປັນສີ່ຫລ່ຽມ, ກົມ,​ ຮູບເກາະໄຕ້ຫວັນກະມີ,​ຫົວໃຈ,​ ແລະ​ອື່ນໆ.​

ສະນັ້ນ​ມື້ນີ້​ ຂ້ອຍຊິມາບອກວິທີ ເຮັດ​ເທື່ອລະ​ຢ່າງ​ແບບ​ ພື້ນເມືອງ​ ​ທີ່ໃຊ້ໝາກນັດແທ້ 100%. ມັນຈະອອກ​ ລົດສົ້ມຫວານ.​ເຊື່ອຂ້ອຍ ເຈົ້າຕ້ອງມັກ ເຂົ້າໜົມນີ້ເປັນແນ່ນອນ.​

ວິດິໂອ

ເຄື່ອງປຸງ

• ໝາກນັດ 1 ກິໂລ
• ໝາກນາວ 1 ອັນ
• ນ້ຳຕານມອລ 2 ບ່ວງແກງ
• ນ້ຳຕານ 90 ກຣາມ
• ແປ້ງປຸງອາຫານ 190 ກຣາມ
• ເບີ 125 ກຣາມ
• ຜົງ ແອວມ໋ອນ 20 ກຣາມ
• ເກືອ 1 ຢິບມື
• ໄຂ່ແດງ 2 ອັນ
• ນ້ຳຕານ 45 ກຣາມ

ວິທີເຮັດ

#ກຽມໄສ້ໝາກນັດ

1. ບີບນ້ຳໝາກນາວໃສ່ຖ້ວຍ,​ເອົາແກ່ນອອກຖ້າມີ.​

2. ປອກໝາກນັດ. ເອົາ ແກນ​ຖິ້ມ​ ແລະ​ຊອຍໝາກນັດ ເປັນຕ່ອນ.

3. ເອົາໝາກນັດ ແລະ​ນ້ຳໝາກນາວ ໄປໃສ່​ໝໍ້ກະທະ,​ ຂົ້ວຈົນ ໝາກນັດອ່ອນ.​ ໃຫ້ໃສ່ ນ້ຳຕານ​ແລະ​ນ້ຳຕານ​ມອລ ແລ້ວຄົນ ໃຫ້ເຂົ້າກັນ.​ ຂົ້ວ​ໄປຈົນ​ ສັງເກດວ່າ​ໝາກນັດ ອອກເປັນສີນ້ຳຕານ ແລະ​ແຫ້ງຕິດໝໍ້ ໃຫ້ປິດໄຟໄວ້.

#ກະກຽມ​ ສ່ວນແປ້ງ

4. ເອົາຊາມມາ,​ ປະສົມ​ ນ້ຳຕານ​ກັບ​ເບີ(​ທີ່ລະລາຍ ແລ້ວ)​. ໃສ່​ ໄຂ່ແດງ ແລະ​ເກືອລົງໄປ. ຕີໃຫ້ທຸກຢ່າງ​ເຂົ້າກັນດີ​ຈົນນຽນລະອຽດ

5. ຈາກນັ້ນ ໃສ່​ຜົງແອວມ່ອນ.​

6. ສຸດທ້າຍໃສ່ແປ້ງ ຕອງ​ໃສ່​ຕະແກງ ປະສົມລົງໄປ ໃນຊາມ.​

7. ປະສົມ​ເຂົ້າກັນ​ ແລ້ວ​ນວດ​ໃຫ້​ ເປັນກ້ອນ.​

#ຂັ້ນຕອນ ການເຮັດເປັນເຂົ້າໜົມ

8. ຕັດແປ້ງ ທີ່ນວດແລ້ວ​ນັ້ນ​ເປັນ 12​ ກ້ອນ,​ກ້ອນລະປະມານ 35ກຣາມ.​ ແລະລິ້ງໄສ້ ເປັນ​12​ກ້ອນມົນ,​ກ້ອນລະ 12 x 15​ກຣາມ.​

9. ຈາກນັ້ນ​ ເນັ້ນ​ກ້ອນແປ້ງ​ແຕ່ລະອັນນັ້ນ​ ໃຫ້ເປັນແຜ່ນແປ​ ແລ້ວຈິ່ງວາງ ໄສ້ມັນໃສ່ ເທິງແຕ່ລະອັນຈົນຄົບ.​

10. ຫໍ່​ແປ້ງຫຸ້ມໄສ້​ ແລ້ວ​ ເຮັດເປັນ​ຮູບ​ໝາກບານ.​

11. ກ່ອນນຳໄປ ອົບ,​ ໃຫ້ນຳ​ເອົາ​ແປ້ງແຕ່ລະກ້ອນ ມາໃສ່​ ແບບພິມເຮັດເຄັກ ເລືອກຮູບຊົງຕາມໃຈມັກ. ໂດຍຍັດກ້ອນແປ້ງ ໃສ່ເບົາໆແລ້ວ ແປງໃຫ້​ ພໍດີແບບພິມ.​

12. ອົບປະມານ 15 ນາທີ.​ທີ່ອຸນນະພູມ 170°ອົງສາ, ແລ້ວ​ປິ້ນ ເບື້ອງ​ອົບອີກ 15ນາທີ. ຖືວ່າສຸກ.​ ເອົາ ອອກຈາກ​ ເຕົາອົບ​ ປະ​ໃຫ້ອຸ່ນ​ແລ້ວ​ເອົາອອກຈາກ ແບບພິມ,​ ພ້ອມເສີບ​ໄດ້.​

ເຄື່ອງມື ທີ່ໃຊ້ແຕ່ງເມນູນີ້

• ໝໍ້ຂາງຈືນ
• ໝໍ້ເຮັດນ້ຳຊ໊ອສ
• ຕາໜ່າງຕອງ
• ແບບພິມ ເຮັດເຂົ້າໜົມ