2 ຄົນ · ງ່າຍ · 20 ນາທີ · ₭ ຖືກ

ສະບາຍດີ ທຸກຄົນ,

ມື້້ນີ້ ຂໍນຳສະເໜີ ລູກຊີ້ນເຕົາຮູ້ 3ລົດ. ຕອນຍັງນ້ອຍ ຂ້ອຍຈື່ໄດ້ວ່າ ມັນເປັນ ອາຫານ ເຈ ສຸດໂປດ ຂອງແມ່ຂ້ອຍຈານໜຶ່ງ. ສັງເກດ ເຫັນບາງຄົນ ກິນເຈ ເລີຍຢາກເອົາ ວິທີເຮັດ ອາຫານເຈ ແຊບໆມາແບ່ງປັນ .

ແຕ່ສຳລັບຄົນ ທີ່ກິນຊີ້ນ ຖ້າຢາກລອງ ອາຫານຈານນີ້ກະໄດ້ຄືກັນເດີ. ເພາະວ່າລູກຊີ້ນເຕົາຮູ້ ມີເຫັດໃສ່ນຳ ບວກກັບ ນ້ຳຊ໊ອສ 3 ລົດ ເຮັດໃຫ້ ບໍ່ອາດຫ້າມໃຈໄດ້ທີ່ຈະລອງ!

ສຳລັບ ຊ໊ອສ 3ລົດນັ້ນ ເປັນທີ່ຄຸ້ນເຄີຍກັນດີ ໃນ ອາຊີ. 3 ລົດ ແມ່ນ: 1 ຈາກສະອິ້ວ, 1 ຈາກ ເຫລົ້າສຳລັບ ປຸງອາຫານ, 1 ຈາກ ນ້ຳມັນງາດຳ, ແລະ ໃສ່ ບົວລະພາ ຕອນທ້າຍ.

ປລ: ຈື່ໄວ້ວ່າ ຫ້າມໃສ່ ນ້ຳມັນຕອນ ຂົ້ວເຫັດ ເພາະ ມັນ ຊິເສຍລົດຊາດ!

ວິດິໂອ

ເຄື່ອງປຸງ

• ເຕົາຮູ້ກ້ອນ , ເຕົາຮູ້ກ້ອນ
• ເຜັດຂຽວໃຫຍ່ ½ ໜ່ວຍ, ເອົາ ແນວລະເຄິ່ງໜ່ວຍ ປົນກັນ: ຂຽວ, ສີເຫລືອງ, ແລະ ແດງ. ຊອຍເປັນລູກເຕົາ
• ກາລົດ ½ ຫົວ, ເລືອກເອົາຫົວນ້ອຍ ມາປອກ ແລະສັບໃຫ້ມຸ່ນໆ
• ເຫັດອໍຣິນຈິ 2 ດອກ, ຈີກເປັນຕ່ອນນ້ອຍໆ
• ແປ້ງອາຫານອະເນກປະສົງ 2 ບ່ວງແກງ
• ເກືອ ½ ບ່ວງກາເຟ
• ນ້ຳ 2 ບ່ວງແກງ

ເຄື່ອງປະກອອບນ້ຳຊ໊ອສ

• ສະອິ້ວ 1 ບ່ວງແກງ
• ເຫລົ້າສຳລັບ ປຸງອາຫານ 1 ບ່ວງແກງ
• ນ້ຳມັນງາດຳ 1 ບ່ວງແກງ
• ນ້ຳຕານແດງ 1 ບ່ວງກາເຟ
• ຂີງສົດ 3 ປ່ຽງ
• ກະທຽມສົດ 3 ກີບ
• ຜັກບົວລະພາ 10 ໃບ

ວິທີເຮັດ

1. ເອົາຜ້າຂາວສະອາດມາ. ເອົາເຕົາຮູ້ໃສ່ ແລ້ວບີບເອົານ້ຳ ອອກຈາກເຕົາຮູ້ໃຫ້ມົດ.

2. ຈາກນັ້ນ ຊອຍ ໝາກເຜັດເປັນຕ່ອນລູກເຕົາ ແລະ ສັບກາລົດເປັນຕ່ອນມຸ່ນໆ

3. ຈີກເຫັດ ເປັນຕ່ອນນ້ອຍ.

4. ຄ້າງໝໍ້ກະທະໃຫ້ຮ້ອນ ແລ້ວໃສ່ເຫັດລົງ ໄປຂົ້ວບໍ່ໃສ່ນ້ຳມັນ. ຫລັງຈາກເຮັດ ອອກສີເຫລືອງ ໃຫ້ໃສ່ ກາລົດສັບລົງໄປຂົ້ວປົນກັນ.

5. ຂົ້ວປະມານ 3 ນາທີ ແລ້ວ ຖອກລົງ ໃສ່ ຊາມເຕົາຮູ້ ທີ່ປັ້ນນ້ຳອອກແລ້ວນັ້ນ. ໃສ່ ແປ້ງ ປະມານ 1 ບ່ວງແກງ. ແລ້ວຄົນ ໃຫ້ ເຂົ້າກັນ ຈາກນັ້ນ ປັ້ນເປັນກ້ອນນ້ອຍ.

6. ຄ້າງໝໍ້ ກະທະໃຫ້ຮ້ອນ ໃສ່ນ້ຳມັນງາ ແລະ ຂົ້ວລູກຊີ້ນ. ໃສ່ ຂີງ ແລະ ກະທຽມຂົ້ວນຳກັນໃຫ້ຫອມ.

7. ຈາກນັ້ນ ໃສ່ ໝາກເຜັດໃຫຍ່ຊອຍ , ໃສ່ ສະອິ້ວ, ໃສ່ເຫລົ້າ ປຸງອາຫານ , ແລະ ນ້ຳ. ຕົ້ມປະໄວ້ ປະມານ 3 ນາທີ. ຢ່າລືມ ປຸງ ເກືອ ແລະ ນ້ຳຕານ ໃສ່ພ້ອມ.

8. ສຸດທ້າຍ ເອົາ ແປ້ງ ທີ່ຍັງເຫລືອ ຄົນໃສ່ນ້ຳເຢັນກ່ອນ ແລ້ວ ຖອກໃສ່ໝໍ້ ເພື່ອໃຫ້ຊ໊ອສ ມັນຂຸ້ນຂຶ້ນ . ໃສ່ ຜັກບົວລະພາກ່ອນປິດໄຟ ແລ້ວ ປົງ.

ເຄື່ອງມື ທີ່ໃຊ້ແຕ່ງເມນູນີ້

• ຖົງໃສ່ເຄື່ອງເທດຕົ້ມ
• ໝໍ້ຂາງຈືນ
• ມີດໃຊ້ກັບຜັກ